“நான் வருடத்திற்கு எட்டு படங்களில் நடிச்சிருக்கேன். ஆனால், எட்டு வருடத்திற்குப் பிறகுதான் “மேதை’ படம் மூலம் என்னால் மீண்டும் நடிப்பைத் தொடர முடிந்திருக்கிறது. நான் என்னுடைய அப்பா, அம்மாவிற்குக்கூடக் கடன்பட்டதில்லை.

ஆனால், இத்தனை வருடங்களாக வேறு நடிகர்களின் மன்றங்களுக்குத் தாவிச் செல்லாமல், எனக்காகவே பத்தாயிரம் ரசிகர் மன்றங்கள் நடத்தி வரும் ரசிகர்களுக்கு நான் நன்றிக்கடன்பட்டுள்ளேன்” என்று “மேதை’ படத்தின் ஆடியோ வெளியீட்டு விழாவில் பேசிய ராமராஜனின் கண்களில் பொல பொலவென்று கண்ணீர்த் துளிகள்…

ரசிகர்களை மட்டுமின்றி, பத்திரிகையாளர்களையும் அவரின் அழுகை உருக வைத்தது. “மாங்குயிலே பூங்குயிலே’ பாடலுக்குக் கரகத்தை அவர் தலையில் சுமந்து ஆடியபோது தமிழ்நாடே ஆடியது. ஏகப்பட்ட வெள்ளிவிழா படங்களின் நாயகன். காலப் புயலின் சூறாவளியில், இடையே கொஞ்சம் காணாமல் போயிருந்த ராமராஜன் “மேதை’ படத்தின் மூலம் மறுஜென்மம் கொண்டு திரையுலகில் நுழைந்துள்ளார். கால நெருப்பு காயப்படுத்தினாலும் இன்னும் தன்னம்பிக்கை குறையாத ராமராஜனை ஓர் இனிய பொழுதில் அவரது இல்லத்தில் சந்தித்தோம்.

* “மேதை’ என்கிற தலைப்பே யோசிக்க வைக்கிறதே?

“விவசாயி மகன்’, “தேடி வந்த ராசா’ போன்ற படங்களுக்குப் பிறகான இடைப்பட்ட காலங்களில் நிறைய பேர் என்னிடம் வந்து கதை சொன்னார்கள். ஆனால், பெரும்பாலும் எனக்கு ஒத்துவராத கதைகளாகவே இருந்ததால், அந்தப் படங்களில் நடிப்பதைத் தவிர்த்தேன். காரணம், நான் எந்தப் பாத்திரத்தில் நடித்தால் ரசிகர்கள் ஏற்றுக்கொள்வார்கள் என்பது எனக்குத் தெரியும். ஆனாலும், இடையில் சில படங்களில் நடிக்கத்தான் செய்தேன். ஆனால், அந்தப் படங்களெல்லாம் பட்ஜெட் பிரச்சினையால் பாதியிலேயே நின்றுபோய் விட்டன. பிறகு, எந்தப் பட வாய்ப்பும் இல்லாமல் இருந்த சமயத்தில்தான் இயக்குனர் ஹரியின் அசோஸியேட் இயக்குனரான என்.டி.சரவணனும், படத்தின் தயாரிப்பாளரும் என்னிடம் வந்து கதை சொன்னார்கள். அவர்கள் படத்தின் தலைப்பை சொன்னதுமே எனக்கு இந்தப் படத்தில் நடிக்க வேண்டுமென்ற ஆவல் வந்துவிட்டது!

எப்போதுமே நான் நடிக்கும் படத்திற்கு முதலில் கேட்பது படத்தின் தலைப்பைத்தான்! இயக்கு

நர், “மேதை’ என்று படத் தலைப்பைக் கூறியதும், எனக்கு முதலில் சிவாஜி ஸôர் நடித்த “படிக்காத மேதை’ படமும், பெருந்தலைவர் காமராஜர் அய்யாவும்தான் ஞாபகத்திற்கு வந்தார்கள். “மேதை’ ஒரு நாகரீகமான தலைப்பு. அது எனக்கு அமைந்திருப்பதில் சந்தோஷம்தான்!

“மேதை’ படத்தின் கதையும், அதை இயக்குநர் சொன்ன விதமும் பிடித்திருந்தது. அதே சமயத்தில் புதுமையாகவும் இருந்தது. இந்தப் படத்தில் நாம் நடித்தால் நம் ரசிகர்களைத் திருப்திப்படுத்த முடியும் என்கிற நம்பிக்கையும் வந்ததால், உடனே பட வேலைகளில் இறங்கிவிட்டோம்.

இந்தப் படத்தில் நான் பள்ளி வாத்தியாராக வருகிறேன். உலகத்தில் மனிதன் முன்னேறுவதற்கு இரண்டு விஷயங்கள் இருக்கு. ஒன்னு படிப்பு, மற்றொன்று உழைப்பு. “படிச்சா உலகம் உன்னை மதிக்கும். உழைச்சா உலகம் உன்னை உயர்த்தும்’ இதுதான் “மேதை’ படத்தோட சீக்ரெட்!

* பொதுவாக உங்கள் படங்களில் பாடலுக்கு முக்கியத்துவம் இருக்குமே?

என்னுடையப் படங்களுக்கு மிகப்பெரிய பலமே அண்ணன் ராஜாவோட இசையமைப்புதான். அண்ணன் இந்தப் படத்திற்கும் இசையமைத்தால் நன்றாக இருக்கும் என்றுதான் நினைத்தேன். ஆனால், படத்தோட பட்ஜெட் சிறியது என்பதால், அண்ணனிடம் போக முடியலை. அதனால், இசையமைப்பாளர் தினாவிடம் அந்தப் பொறுப்பை ஒப்படைத்திருக்கோம். அருமையான பாடல்களை “மேதை’க்கும் வழங்கியிருக்கிறார். ராமராஜன் படம் என்றாலே, நல்ல பாடல்கள் இருக்கும் என்கிற ரசிகனின் நம்பிக்கை இந்தப் படத்தில் வீண் போகாது!

அரசியல் உங்களுக்கு மைனஸô?

அரசியல்தான் என்னோட பலம். ஆதாயத்திற்காக நான் அரசியலைத் தேர்ந்தெடுக்கவில்லை. தலைவர் எம்.ஜி.ஆரை சின்ன வயதிலிருந்தே பிடிக்கும். நான் போட்டுக்கிற டிரெஸ் கூட அவருடைய பாணியில்தான். “கலர்சட்டை கதாநாயகன் ராமராஜன்’ என்றுதான் இன்றைக்கும் ரசிகர்கள் என்னை சொல்றாங்க. அவருடைய பாதிப்பால்தான் நான் நடிகனானேன். அவருடைய புகழை மக்கள் மத்தியில் எடுத்துக்கொண்டு போக வேண்டுமென்பதுதான் என்னுடைய ஆசையும், விருப்பமுமாக இருந்தது. அதனால்தான், அம்மா தலைமையிலான கட்சியில் போய் சேர்ந்திட்டேன்!

* ரசிகர்களைத் தொடர்ந்து தக்க வைத்திருக்கிறீர்களே எப்படி?

இதுநாள் வரைக்கும் காசு கொடுத்து ரசிகர் கூட்டத்தை நான் கூட்டியதில்லை.  ரசிகர்கள் அவர்களா வருவாங்க, போவாங்க. நானும் “மன்றத்தில் இதைப் பண்ணு, அதைப் பண்ணு’ என்றெல்லாம் சொல்லுவதில்லை. உனக்கு என்ன வாய்ப்பு, வசதி இருக்கோ அதற்குள் செய் என்றுதான் சொல்லுவேன். “குடும்பம், பிள்ளைகளைப் பார்த்துக்கோ. அது போக மீதி நேரத்தில் நீ மன்ற வேலைகளைச் செய்தால் போதும்’ என்றுதான் என் ரசிகர்களுக்குச் சொல்லியிருக்கிறேன். நான் ஃபீல்டில் இருந்தாலும், இல்லைன்னாலும் என்னுடைய பிறந்த நாளுக்கு என்னை வந்து சந்தித்துவிட்டுத்தான் என்னுடைய ரசிகர்கள் போவார்கள். ஆனால், என்னால் உயர்ந்த எத்தனையோ பேர் இந்த சினிமாவில் இருக்கிறார்கள். அவர்கள் ஒருபோதும் என் வாசல் மிதித்ததில்லை.

* பட வாய்ப்பு இல்லாதபோது அண்ணன் கேரக்டரில்  நடிக்க அழைத்தார்களா?

எனக்கென்று ஒரு கொள்கை இருக்கு. நான் சிகரெட், தண்ணி அடிச்சது கிடையாது. பத்து கோடி இல்லை. நூறு கோடி கொடுத்தாலும் நான் ஒரு காட்சியில் கூட குடிக்கிற மாதிரி நடிக்க மாட்டேன். கிட்டத்தட்ட நாற்பத்தைந்து படங்களில் குடிக்காமல்தான் நடித்திருக்கிறேன். நான் தலைவருடைய தொண்டன். அவர் என்றைக்கும் மக்கள் மனதில் ஹீரோதான். அதேமாதிரிதான் நானும் இருப்பேன்!

* தொலைக்காட்சி வாய்ப்புகள் ஏதேனும் வந்ததா?

என் கையில் ஐநூறு ரூபாய்கூட இல்லாதபோது, டி.வி.யில் ஒரு எபிசோடில் நடிக்க ஒரு லட்ச ரூபாய் தர்றேன்னு சொன்னாங்க. நான் ஒப்புக்கொள்ளவேயில்லை. என் அப்பா, அம்மா என்னை நேர்மையா வளர்த்திருக்காங்க. நான் எப்பவும் வெளிப்படையாக பேசுகிற ஆள். என்னிடம் எந்த ஒளிவு மறைவும் இல்லை. நான் சினிமாவிற்கு வந்து முப்பத்தியொன்பது வருடம் ஆகிறது. இப்பவும் நாம ஒரு படத்தில் நடித்து வெற்றிப் பெற்றால்தான் தயாரிப்பாளர்கள் அடுத்த படம் எடுக்க வருவாங்க என்பது எனக்குத் தெரியும். நானும் விநியோகஸ்தரா, தயாரிப்பாளரா இருந்திருக்கேன். தொலைக்காட்சித் தொடரில் நடித்துதான் என் வாழ்க்கையை ஓட்ட வேண்டும் என்னும் நிலைக்கெல்லாம் நான் இன்னும் போகலை!

* கோடம்பாக்கத்தில் சூழல் மாறியிருப்பதை கவனிக்கிறீர்களா?

எப்போதும் யதார்த்தப் படங்கள் வெற்றியடையத்தான் செய்யும். “ஆட்டோகிராஃப்’, “சுப்பிரமணியபுரம்’, “நாடோடிகள்’ போன்ற படங்களிலிருந்து இப்போ வந்திருக்கிற “களவானி’ படம் வரைக்கும் மக்கள் நல்ல படங்களை ஆதரிக்கத்தான் செய்திருக்காங்க. முன்பெல்லாம் படங்கள் நூறு நாள் ஓடின. இப்போது ஓட்டுறாங்க. தொடர்ந்து நானும் சினிமாவைக் கவனித்துக் கொண்டுதான் இருக்கிறேன்.

* யதார்த்த வேடங்களுக்கு யார் பொருத்தமாக இருப்பதாக நினைக்கிறீர்கள்?

எங்க பக்கத்து ஊர்க்காரர்தான் கமல்ஹாசன். படத்திற்கு படம் வித்தியாசம் காட்டுறார். இன்றைக்கு அவருடைய நடிப்பு, உலகம் முழுக்க பேச வச்சிருக்கு. இதெல்லாம் நமக்குப் பெருமையான விஷயம். அதேமாதிரி, விக்ரமும் தன் உடலை வருத்தி, நடிக்கிறார். “சேது’ படம் பார்த்து வியந்து போனேன். அந்த மாதிரியான படத்தை ஒரு ரசிகன் என்றைக்கும் மறக்க முடியாது. அவரைப்போய் *”போடா போடி’ன்னு பாட வச்சா ரசிகர்கள் ஏற்றுக்கொள்வார்களா?

நம்முடைய ரசனைக்காக படம் இல்லை. ரசிகனுடைய ரசனைக்குத்தான் படம். காசு கொடுத்துவிட்டு, உள்ளே வந்து படம் பார்க்கும் ரசிகன் படம் நல்லா இருந்தாதான் பார்ப்பான். இல்லைன்னா போடான்னு போய்க்கிட்டே இருப்பான். அது யாராக இருந்தாலும் சரி!

* மக்கள் திலகம் எம்.ஜி.ஆர். படத் தலைப்புகளை பிறர் பயன்படுத்துவது குறித்து?

அது முழுக்க முழுக்க தவறான விஷயம். இன்றைக்கும் வாலி ஸôரைக் கூப்பிட்டு பாடல் எழுதச் சொன்னா, ஏற்கனவே தான் எழுதிய எந்தக் கவிதை வரிகளையும் திரும்ப எழுத மாட்டார். ஆயிரக்கணக்கான பாடல்கள் உருவாகியிருக்கு. இன்றைக்கு புதிதாக பாடல் எழுத வரும் பாடலாசிரியர்கூட புதியதாகத்தான் வார்த்தைகளைத் தேர்ந்தெடுக்கிறார்கள். ஒரு பாட்டிற்காக கவிஞர்கள் இவ்வளவு சிந்திக்கும்போது, ஏன் இயக்குநர்கள் ஒரு படத்தின் தலைப்பிற்காக சிந்திக்கக் கூடாது. ரீ-மேக் பாட்டு, ரீ-மேக் படம், ரீ-மேக் படத்தலைப்பு எல்லாமே தப்புதான்.

* நீங்கள் எம்.ஜி.ஆர். படத்தை ரீ-மேக் செய்தால் நடிப்பீர்களா?

என்னைப் பொருத்தவரை, நான் ரீ-மேக் படங்களில் எந்தக் காலத்திலும் நடிக்க மாட்டேன். அதுவும் தலைவரின் ரீ-மேக் படத்தில் நடிக்கவே மாட்டேன். அது ரொம்ப தவறான விஷயம்! தலைவர் படம் தலைவர் படம்தான்! தலைவர் சட்டை அவருக்குத்தான் சேரும். அதை நான் போட்டுக்கொள்ள ஆசைப்படக்கூடாது. அது அவருக்குத்தானே சேரும்? அந்த மாதிரி கலர்ல எனக்கு ஏற்ற சட்டையை வேண்டுமானால் தைத்துப் போட்டுக் கொள்ளலாம். அவர் சட்டையைப் போட்டுக் கொள்வது தப்பு. காசு இல்லைன்னா கடன் வாங்கலாம். அதற்காக அடுத்தவன் பாக்கெட்டில் கை வைப்பது தப்பு. அந்தத் தப்பை நான் செய்யமாட்டேன்!

- சந்திப்பு : கோ.பாலன்

ஒரு படம்‌ பி‌ளா‌ப்‌ ஆனதா‌ல்‌ அடுத்‌தடுத்‌து படம்‌ பண்‌ண முடி‌யா‌மல்‌ கதை‌ வி‌வா‌தத்‌துக்‌கே‌ சென்‌று கா‌லத்‌தை‌ தள்‌ளும்‌ ஒரு பு‌கழ்‌ பெ‌றா‌த தி‌ரை‌ப்‌பட இயக்‌குநரி‌ன்‌ மகள்‌, அவள்‌ வசி‌க்‌கும்‌ ஒன்‌டுக்‌குடி‌த்‌தன வா‌டகை‌ வீ‌ட்‌டி‌ல்‌ இன்‌னொ‌ரு போ‌ர்‌ஷனி‌ல்‌ வசி‌க்‌கும்‌ ஒரு ‌‌ இளை‌ஞனை‌‌ வி‌ரும்‌பு‌கி‌றாள்‌‌. அப்‌பா‌வி‌ன்‌ தோ‌ல்‌வி‌யா‌ல்‌ சி‌னி‌மா‌வே‌ வே‌ண்‌டா‌ம்‌ என்‌று வெ‌றுக்‌கும்‌ அவளுக்‌கு, தந்‌தை‌யி‌ன்‌ தி‌டீ‌ர்‌ மறை‌வு‌க்‌கு பி‌றகு சி‌னி‌மா‌வி‌ல்‌ நடி‌க்‌க வா‌ய்‌ப்‌பு‌ கி‌டை‌க்‌கி‌ற்‌து அதி‌ல்‌ பே‌ரும்‌ பு‌கழும்‌ பெ‌றுகி‌றா‌ள்‌. இடதுசா‌ரி‌ சி‌ந்‌தனை‌யு‌ள்‌ள அந்‌த இளை‌ஞன்‌ அவளி‌டமி‌ருந்‌து வி‌லகி‌ மக்‌களுக்‌கு பணி‌யா‌ற்‌ற ‌ கட்‌சி‌ பணி‌த்‌த இடத்‌தி‌ற்‌கு செ‌ன்‌று‌ வி‌டுகி‌றா‌ன்‌. அவன்‌ நி‌னை‌வா‌க இருக்‌கும்‌ ‌அவள்‌ அடி‌க்‌கடி‌ அவனை‌ நி‌னை‌த்‌துக்‌கொ‌ண்‌டு கா‌தலோ‌டு வா‌ழ்‌கி‌றா‌ள்‌.அந்‌த கா‌தல்‌ நி‌னை‌வு‌களை‌ சொ‌ல்‌லும்‌ நி‌னை‌வெ‌ல்‌லா‌ம்‌ நீ‌தா‌னே‌ என்‌ற இந்‌த நா‌வ‌ல்‌ தி‌னகரன்‌ வசந்‌தம்‌ இதழி‌ல்‌ தொ‌டர்‌கதை‌யா‌க வெ‌ளிவ‌ந்‌தது. அதை‌ அதே‌ பெ‌யரி‌ல்‌ பு‌த்‌தகமா‌க வெ‌ளி‌யி‌ட்‌டுள்‌ளனர்‌. அதி‌ல்‌ ஓவி‌யர்‌ மா‌ருதி‌ வரை‌ந்‌த ஓவி‌யங்‌கள்‌ ஒவ்‌வொ‌ரு அத்‌தி‌யா‌யத்‌தி‌லும்‌ அழகு சே‌ர்‌க்‌கி‌றது.வெ‌ளி‌யீ‌டூ‌: உதயம்‌ பி‌ரசுரம

மா‌மி‌யா‌ர்‌ மருமகளி‌ன்‌ உணர்‌வு‌களை‌யு‌ம்‌ எதி‌ர்‌பா‌ர்‌ப்‌பு‌களை‌யு‌ம்‌ வி‌வரி‌க்‌கும்‌ “தா‌யம்‌மா‌”, சா‌மி‌க்‌கு தே‌ங்‌கா‌ய்‌ உடை‌க்‌கி‌ற அளவு‌க்‌கு உயர்‌ந்‌து வி‌டக்‌கூடா‌து என நி‌னை‌க்‌கும்‌ மனி‌தர்‌கள்‌‌ மத்‌தி‌யி‌ல்,‌ நா‌னும்‌ சொ‌க்‌க தங்‌கம்‌ என உதவு‌ம்‌‌ கருத்‌தா‌னிடம்‌‌‌ உள்‌ள வெ‌ள்‌ளை‌ மனதை‌‌ சொ‌ல்‌லும்‌ “சுத்‌தம்” என நா‌ன்‌ பல்‌வே‌று தி‌னசரி‌ மற்‌றும்‌ வா‌ர இதழ்‌களி‌ல்‌ ‌ எழுதி‌ய இருபத்‌தி‌யோ‌ரு சி‌றுகதை‌களி‌ன்‌ தொ‌குப்‌பு‌ “சரசு”. இந்‌த கதை‌கள்‌ ஒவ்‌வொ‌ன்றும்‌ எனது எழுத்‌து பணி‌யை‌ எப்‌படி‌ வளர்‌த்‌து வந்‌தி‌ருக்‌கி‌றது என்‌பதை‌ உணர முடி‌கி‌றது. வெ‌ளி‌யீ‌டூ:‌ உதயம்‌ பி‌ரசுரம்‌